أعملى لأولادك بسكويت توك المملح بالجبنة بالخطوات مصورة

أعملى لأولادك بسكويت توك المملح بالجبنة بالخطوات مصورة بالبيت مضمون بدون مواد حافظة وانضف واحسن بسكويت مملح بطعم رائع  لانه من صنع ايديكى .

بسكويت توك المملح بالجبنة بالخطوات مصورة

المقادير:

• 2 كوب دقيق منخول
• ملعقة كبيرة بيكينج بودر
• صفار بيضة
• ثلث كوب حليب سائل
• ربع كوب كوب جبنة رومي مبشورة او مفتفتة باليد او جبنة شيدر اى نوع تحبوه مبشورة

• 4 ملاعق كبيرة زبدة باردة
• 2 ملعقة كبيرة زيت
• ملعقة ملح

الطريقة:

فى بولة كبيرة نضع الدقيق والبيكينج بودر  والملح والزبدة والزيت ونفركهم كويس باليدين حتى يتغلغل الزبدة والزيت فى الدقيق ويصبحوا مثل حبات الرمل

ثم نضيف لهم الجبنة المبشورة وصفار البيضة والحليب

ونعجنهم كويس لمدة 3 دقائق حتى تصبح عجينة طرية

ناخد قطعة من العجينة ونرشة رشة خفيفة من الدقيق

ونفردها بالفرادة بسمك رفيع بس مش كتير عشان لا يحترق حوالى ربع سم

نقطعه بالقطاعة المشرشرة او القطاعة العادية مربعات او دوائر او اى اشكال تحبوها

زى الصورة

بخلة اسنان او بخلة خشب نعمل بها ثقوب لانه اذا لم يثقب هينتفخ بالفرن

ثم ترص بصوانى وتوضع بالثلاجة ساعة قبل الخبز  يسخن الفرن على درجة حرارة 160 درجة او 170 درجة وتخبز بالفرن فى الرف المتوسط والحرارة تكون هادية جدا عشان يكون مقرمش ومستوى بدون حرق

بعد ثلث ساعة نفتح الفرن نشوف بسكويتة من تحت لونها بقى ذهبى خفيف لو بقت بالشكل ده نطفى النار من تحت ونشغل الشواية على نار هادية جدا حتى يأخذ لونا جميلا

ويقدم والف هنا

ويرص فى علبة محكمة الغلق

وطبعا ممكن القطاعة تكون مش مشرشرة