اسهل معجنات للحلو والحادق

لو مستعجلة فى يوم وعايزة تعملى بيتزا سريعة او فطائر محشية جبنة او سبانخ  او حتى فطائر محشية مربى . لازم تكون عندك الوصفة دى اسهل معجنات للحلو والحادق مجربة ورائعة

انا جبت الوصفة دى من طريقة عمل الكالزوني الايطالي والعجينة فعلا جميلة جدا وهشة وتصلح لكل الحشوات (جبنة – لحمة – او حتى حلو تفاح وسكر وقرفة (زى الابل باي والسينابون ) وتصلح لكل الاشكال كمان صغير وكبير وممكن كمان للبيتزا . وااااو

اسهل معجنات للحلو والحادق

المقادير:

2كوب دقيق
2 م ك سكر

1 م ك خميرة
نص م ص ملح

3 م ك زيت
لبن دافىء

الطريقة:

1. انا حطيت الخميرة والسكر عليهم شوية لبن دافىء مش سخن لمدة عشر دقايق لما تطلع سوية فقاعات.

2. حطيت المكونات الجافة على بعض فى الماشين وعليهم الزيت ولما اختلطو حطيت الخميرة وبعدين بقيت اللبن الدافى وخليت الماشين تعجن كويس حوالى عشر دقايق.

3. سيبتهم يخمرو كويس فى مكان دافى لما اضاعف الحجم (حسب الجو) انا كنت حاطة فوطة سخنة على الغطا

4. بعد التخمير . تفرد العجينة وتوضع الحشوة وتقفل بالشوكة والمهم بقى تدخل فرن ساخن جدا جدا عشان تكون هشة من جوا ودا سر المعجنات ، ممكن ندهن الوجه بالبيض واللبن قبل دخول الفرن عشان الوش يحمر

المُكوّنات:

نصف كيلو من الجبنة البيضاء المبروشة.

ملعقة كبيرة من الدقيق الأبيض.

ملعقتان كبيرتان من البقدونس المفروم ناعم.

ملعقة كبيرة من الخل الأبيض.

صفار بيضة.

ملعقتان كبيرتان من السمسم أو حبة البركة.

طريقة التّحضير:

نخلط الجبنة مع الدقيق والبقدونس والخلّ.

نُقسّم العجين إلى كريات مُتوسّطة الحجم.

نحشي العجين بمقدار مُناسب من الحشوة ثمّ نغلقها ونُشكّلها كالكريات.

نضعها في صينية الخبز المدهونة بالزيت النباتي، ثمّ ندهن وجهها بالبيض ونرشّ السمسم أو حبّة البركة.

نضعها في الفرن على درجة حرارة 200 مئويّة لمدة عشر دقائق أو حتى تصبح ذهبيّةً ثمّ نُقدّمها.